Maxkamadda Gobolka Banaadir oo loo Magacaabay Guddoomiye KMG ah

doorashoGuddoomiyaha Maxkamadda Sare ee Soomaaliya ayaa Guddoomiyaha Maxkamadda Gobolka Banaadir si KMG ah ugu Magacaabay Dr Aweys Sheekh C/llaahi Weheliye.

Maalmo ka hor ayey aheyd Markii Guddoomiyaha Maxkamadda Sare uu si KMG ah Shaqada uga Joojiyay Guddoomiyihii Maxkamadda Gobolka Banaadir Xaashi Cilmi Nuur.

Madaxweynaha Soomaaliya Mudane Xasan Sheekh ayaa 6 Bishii September ee Sanadkaan Warsaxaafadeed uu soo saaray ku sheegay in aan Qofna Xilka laga qaadi karin lana Magacaabi karin inta lagu guda jiro Xilliga kala guurka.

Doorashada Aqalka Hoose ee Jubbaland ka socota oo Maanta la soo Afjarayo

Guddiga Doorashada Dadban ee Maamul Goboleedka Soomaaliyeed ee Jubbaland ayaa ku dhawaaqay in maanta oo Arbaco ah ay soo gaba gabeynayaan Doorashada Xubnaha Aqalka Hoose ee Baarlamaanka Cusub ka soo galaya Degaanada Jubbaland.

Guddiga ayaa sheegay in Doorashadu ay hadda mareyso Heer Gaba gabo ah islamarkaana ay harsan yihiin oo kaliya illaa Saddex Kursi Maantana la dooran doono Kuraastaas Saddexda ah.

Jubbaland ayaa noqoneysa Maamul Goboleedkii ugu horeeyay ee ku dhawaaqa inuu soo afjaray Doorashada Aqalka Hoose,iyadoo 7 Cisho ay naga xigto xilliga loo Asteeyay in ay dhacdo Doorashada Madaxweyne ee Soomaaliya oo ah 30-ka November.

Doorashada Aqalka Hoose iyo Aqalka Sare ee Dadka ka soo jeeda Degaanada Somaliland ayaan weli bilaaban,waxaana laga Cabsi qabaa in ay dib uga dhacdo Doorashadu Xilligii lagu sumaday.

Dowladda Soomaaliya oo Cambaareysay Xuutiyiinta Yemen

Waxa aanu si walaac ku jirto ula soconnaa xaaladaha halista ah ee ka jira Yemen, waxa aanu cambaareyneynaa maleeshiyooyinka Xuuthiyiinta oo gantaal balaastiko ah ku ganay deegaan ka tirsan Magaalada barakeysan ee Makka Almukaramah , waxa aanu u aragnaa dhaqankaas cadowtinimada baxsan leh fal aan marmarsiinyo noqon karin oo ka hor imaanaya dhammaan mabaadiida, waxa aanu cadeyneynaa sida aanu uga soo horjeedno xadgudubkaas halista leh ee dambiga xambaaran ee loogu tallaabay sharafta meesha dhulka ugu daahirsan, uguna xurmo badan iyo goobaha la xurmeeyo ee Islaamka.

Xukuumadda Jamhuuriyadda Federaalka Soomaaliya waxa ay markale ugu baaqeysaa Xukuumadda Sharciga ah ee Yemen, dhammaan dhinacyada hubeysan iyo ururada siyaasadeed ee kale inay u istaagaan soo afjaridda loolanka dhiigga ku daatay , iyaga oo u maraya dib u heshiisiin qaran iyo wadahadal dhab ah si loo ilaaliyo nafta dadka rayidka ah , loona joojiyo dhiigga shacabka aynu walaalaha nahay ee Yemen.somalia-150x150

Baarlamaanka Hirshabeelle oo maanta yeeshay Kulankoodii ugu horeeyay

Baarlamaanka Dowlad-goboleedka Hirshabeelle ayaa maanta kulankoodii ugu horeeyey ku yeeshay magaalada Jowhar ee xarunta gobolka Sh/Dhexe.

Baarlamaanka Hirshabeelle oo dhawaan ku guuleystay in ay doortaan madaxweynaha iyo madaxweyne ku xigeenka dowlad-goboleedka Hirshabeelle ayaa kulanka maanta ay yeesheen waxaa shir gudoominayey gudoomiyaha baarlamaanka maamulkaasi, iyadoo ay goob joog ahaayeen kuxigeenadiisa.

Baarlamaanka ayaa ka hadlay Maanta Shaqooyinka ay qabanayaan Maalmaha soo socda.gaaaf-150x150