Madaxweyne Siilaanyo oo ka qaybgalay Xuska Aasaaska Booliiska Somaliland -

royal3Isniin, November 03, 2014  — Madaxweynaha Somaliland, Axmed Max’ed  Max’ud Siilaanyo ayaa maanta ka qaybgallay sanad guuraddii 21-aad ee ka sooo wareegtay markii la aasaasay booliiska Somaliland oo lagu qabtay xarunta taliska guud ee Hargeysa. Munaasabaddan ayaa waxaa kaloo ka soo qaybgalay wasiiro, taliyeyaasha ciidamadda kala duwan, wefti ka socda Itoobiya iyo marti sharaf kale duwan, sidoo kale, waxa  lagu soo bandhigay Riwaayada iyo Heeso ka turjumaya Sida ay ciidanka Boolisku amaanka u sugaan. Hogaanka howlgelinta booliska Somaliland Maxamed Ducaale  Cali ayaa ka warbxiyey dhacdooyinkii sanadkan ka dhacay iyo sida ay u kala duwan yihiin, waxaanu yidhi“Mudane Madaxwayne Sanadkan 2014ka waxa danbi dalka ka dhacay (Sideed iyo toban kun Boqol iyo Sideed iyo Todobaatan danbi) inta beenaw Day waxa ay noqotay (Laba kun Sagaal Boqol iyo afar iyo Konton) inta heshiis laga gaadhay waxa ay noqotay(Sagaal Kun iyo Koob Iyo Afartan) inta baadhis ku jirtay waxa ay noqotay(Toban kun iyo Shan iyo labaatan) inta Maxkamada la hor geeyey waxa ay noqotay(Shan kun saddex boqol iyo sideed iyo konto) inta la xukumay(Laba kun iyo sideed iyo sodonkun) inta Xukun Suga ah waxa ay noqotay (Saddex kun laba boqol iyo sagaashan)”. “Marka aynu eegno sanadkan wax dalka danbiyo ka dhacay iyo kii hore,sanadkii hore ee 2013ka waxa dalka ka dhacay danbiyo (koob iyo labaatan kun,Laba boqol iyo sideed iyo todobaatan)halka ay sanadkan ka tahay (Sideed iyo Toban kun  Boqol iyo sideed iyo todobaatan) waxaana ay sanadkan hoos u dhacday Saddex kun iyo boqol”ayuu raaciyey taliyaha hawlgalintu. Taliyaha guud  ee Ciidanka booliska Sareeyo Guuto Cabdilaahi Fadal iimaan oo isna halkaasi ka hadlay ayaa hadalkiisa ku bilaabay “ Mudane madaxwayne Iyada oo sanadkasta uu ciidanka boolisk wax u kordhayaan xaga ciidan iyo xaga gadiidba,markasta heegan buuxa ugu jiraan sidii ay U sugi lahayeen amaanka Dalka somaliland, Xaalada dalkuna waa dagan yahay, intaad xilka haysayna madaxwayne waxaanu soo kordhinay qalabka ka hortaga rab-shadaha oo ciidan u gaar ah u samayna oo markasta heegan buuxa ku jira”. Wuxuu intaas ku daray. ”Mudane Madaxwayne Sanadkan waxa dalka gaadiid kusoo kordhay 27 Gaadiid, Waxaana sanadkan ciidan boolis ah laga aas-aasay Gobolka cusub ee xaysimo,degmooyinka xudun iyo Taleex kuwaas oo ay hada ka hawl galaan  ciidankaasi oo loo dhamaystiray xuquuqdoodii Ciidan,waxaana Dalka dibadiisa tababar ciidan kusoo qaatay 254 Xubnood oo ah saraakiil iyo sarakiil xigeen iyo 400 oo askari kuwaas oo iskugu jira alif-lay iyo dablay”. Wasiirka wasaarada Arrimaha Gudaha somaliland Cali Maxamed Waran Cade ayaa isna u hambalyeeyey ciidanka iyo xaasaskoodda. Madaxwaynaha Somaliland Axmed Maxamed Maxamuud Siilaanyo oo Munaasibada ka hadlay Ayaa sheegay inuu ciidank boolisku yahay Kuwa hadh iyo habeenba suga amaanka dalka waxaana uu ku amaanay Kaalinta ay dalka kaga jiraa. “Ciidamada boolisku waa ciidanka aynu ku fadhino nabad galiyadooda,waana ciidanka ilaaliya nabad galiyada oo ah waxa ugu muhiimsan ee dal laga hir galin karo, dadku hadaanu nabad galiyo haysan iyo ciidama boolis ah oo nabad galiyada suga xasili maayo,dagina maayo”ayuu yidhi madaxweyne Siiilaanyo oo khudbad kooban ka jeediyey xuska sanad guuraddi 21aad ee ciidanka Booliska. “Waxaan doonayaa inaanu saxno Darajadii Ciidanka lasiiyay oo cabashooyin badani ka yimaadee,waanu sixi doonaa sida ugu dhakhsaha Badan iyadana waxbaanu ka qaban doonaa”ayuu hadalkiisa raaciyey.

MADAXWEYNE XASAN SHEEKH: “Waxaan ku baaqayaa in la Xaq-dhowro Madaxbannaanida Soomaaliya”

Isniin, November 03, 2014 Madaxweyne_Xasan_Sheekh 03-11-2014 — Madaxweynaha Soomaaliya, Xasan Sh. Maxamuud ayaa qoraal uu kaga jawaabay hadalkii danjiraha QM ee Somalia Nicholas Kay wuxuu ku sheegay in xaq-dhowrka madax-bannaanida Soomaaliya ay tahay mid lama taabtaan ah.

Xasan Sheekh ayaa qoraalkiisa ku billaabay “Anigoo ah madaxweynaha Jamhuriyadda Federaalka Somaaliya waxaan qirayaa dhamaan inta waqtiga iyo iyo hanti gelisay inay Somalia ku caawinto inay gaarto guulaha muhiimka ah ee ku wajahan yoolka sare ee aan higsaneyno, inay sameeyeen ficil aad u wanaagsan.”

Sidoo kale, madaxweynaha ayaa yiri: “Labadii sano ee aanu soo dhaafay, iyadoo ay gacan ka geysteen dadweynaha Soomaaliyeed, hay’adaha federaalka ah, baarlamaanka iyo beesha caalamku waxay Somalia ku tallaabsato isbeddel weyn. Waxaan guul weyn ka gaarnay sii wadida is-beddelka annagoo culeyska saarnay saldhig u dhigidda iyo u gogol xaarka sidii dalka loo xasilin lahaa. Ciidamada xoogga dalka Soomaaliyeed oo kaashanaya AMISOM waxay horseedeen in dowladdu gacanta ku dhigto 80% dhulkii Al-shabaab ay haysateen. Dowladda Federaalku waxay sameysay hannaan qaanuun, heykal dowladeed, unugtay nidaamka maamulka maaliyadda, xiriirka Somalia ee beesha caalamka, xoojinta xiriirka waddamada deriska ah, dib u habaynta hey’adaha muhiim ah, hir-gelinta golayaal dib u heshiineed oo lagu wadahadlo, iyadoo jidka u xaartay isbeddel siyaasadeed waxayna diyaarisay Higsiga cusub iyadoo kaalmada caalamka lagu sidkay yoolkaeenna.”

“Waxaa aaad noogu weyn filashada in horumarka la joogteeyo. Waxaa kaloo nagu weyn in Soomaaliya loo daayo inay horseed ka noqoto isbeddelkeeda. Markii Somalia aqbashay in ay qayb ka ahaato heshiiska hindisaha cusub, waxaan ku aqbalnay inuu ku saleysan yahay mabaaddii’da iskaashiga ee ku cad hindisaha Somalia, kaasoo ay markhaati ka ahaayeen; ayna ansixiyeen ka qeyb-galayaashii Soomaaliya iyo kuwii Caalamiga ahaa ee shirkii Brussels lagu qabtay bishii September 2013-kii. Mabaaddii’dan iskaashi waxay si cad u qeexayaan baahida iyo filashada in horumarku ahaado mid ay Somalia hagayso, ayna Soomaalidu leedahay – ha ahaato mid siyaasadeed, horumarineed, dhaqaale iyo bulsho,” ayuu Xasan Sheekh hadalkiisa daba-dhigay.

Madaxweyne Xasan wuxuu ku baaqayaa in mabaaddii’daas la xaq-dhowro, isagoo yiri: “Waxaan ku baaqayaa in la dhowro xuquuqda Soomaaliya ee madaxbannaanida ee uu qeexayo dasttuurka federaalka KMG ah ee ku wajahan inay mustaqbalkeeda iyadu go’aan ka gaarto, mustaqbal ay go’aaminayaan dadka Soomaaliyeed, hay’adaha federaalka iyo shuruucdeenna.”

Isagoo isla arrintan kasii hadlaya ayuu mar kale yiri. “Waxaan mar kale shacabkeenna u xaqiijinayaa in dowladda federaalka ah ay ka go’an tahay Higsiga 2016-ka, si loo xaqiijiyo in dastuurka dib loo eego, la turxaan bixiyo, aftina lagu ansixiyo, in federaalka dalka oo dhan lagu baahiyo iyo u diyaargarowga doorashada 2016-ka uu xowli ku socdo. Ma diidani in howl badan ay na sugeyso, wakhtiga lagu fulin lahaana uu yar yahay, balse wax qabasho la’aan dhinicii ay doonto ha ahaatee lama aqbali doono.”

Ugu dambeyn, wuxuu madaxweynuhu qoraalkiisa ku yiri. “Anigoo fahmaya walaaca ay ka qaybto beesha caalamka xaaladda dalka, haddana sida ugu habboon ee loo taageeri karo hoggaamiyayaasha Soomaaliya iyo hay’adaheedu waa in la xaqdhowro, loona oggolaado in ay afkaartooda kala duwan ay ku xalliyaan si sharci ah ayada oo loo marayo hey’adaha jira oo iyagu hadda ah hey’ado soo bislaanaya.

 

madaxwenaha soonaliya oo gaaray magaalad beydhabo

madaxweynaha soomliya xasan shiiq maxamuud ayaaa gaaray magaalad beydhabo ee xarunta gobalka baay waxaan garoonka diyaaradaha ee magalad beydhabo ku soo dhaweeyaya gudoomiyaj baarlamaanka soomliya mr jawaari iyo qaarka midkah shabka reerbeydhabo  socdalka uu madaxwenha soomliya xasan shiiq ku tagay beydhabo waxaa ku wehliyayaya ergaga qaramada midowe uqaabilsan soomliya mr key iyo xubno ka tirsan golaha wasiirad wafdiga madaxwenah ee maanta gaaray beydhabo ayaa ka qeyb gali doon shirka maamul usameynta koofur galbeed soomliya ee ka kooban gobalada baay bakol iyo shabeellaha hooseimages

Ra’iisul Wasaaraha Xukumadda Soomaaliya C/wali Sheikh Axmed ayaa waxaa soo Food saaray Culeeys dhanka Siyaasada ah

Ra’iisul Wasaaraha Xukumadda Soomaaliya C/wali Sheikh Axmed ayaa waxaa soo Food saaray Culeeys dhanka Siyaasada ah oo uga imaaneeysa Xafiiska Madaxtooyada Soomaaliya.

C/wali Sheikh Axmed ayaa waxaa jiray in Horay Siyaasadiisa uga soo horjeestay Maamulada Gobolada dhexe ee dalka Soomaaliya,kuwaas oo sheegay in uu Dastuurka Dalka uu ku Tuntay islamarkaana Heshiiskii uu Saxiixay oo ahaa in Maamul loo dhiso Gobolada Mudug iyo Galgaduud uu ka laabtay oo uu ogolaaday in Gobol iyo Bar Maamulka loo dhiso taasna ay Dastuurka ka hor imaaneeysa