Baarlamaanka Puntland oo Su’aalo weydiiyay Madaxweyne C/wali Gaas

Madaxweynaha Maamulka Puntland C/wali Maxamed Cali Gaas ayaa Maanta Furay Kalfadhiga 38-aad ee Baarlamaanka Maamul Goboleedka Puntland.

Xildhibaanada Maamulka Puntland ayaa Su’aalo weydiiyay C/wali Maxamed Cali Madaxweynaha Puntland,Su’aalahaas oo la xariiray Dagaalka Gaalkacyo,Qabsashada Qandala iyo Safarada Madaxweyne C/wali Gaas iyo Arrimo  kale.

Dhanka kale Madaxweynaha Maamulka Puntland ayaa isla maanta u Duulay Wadanka Imaaraadka Carabta,waxaana halkaas ka dhacaya Shir looga hadlayo Arrimaha Soomaaliya.gaas

Abwaan Guure oo Magaalada Burco ku booqday Abwaan Maxamed Warsame Hadraawe

Xaaladda Caafimaad ee Abwaan Maxamed Warsame Hadraawe oo mudooyinkii dambe ku Xanuunsanaa Magaalada Burco Ee Gobolka Togdheer ayaa soo Hagaageysa, waxaana Hoygiisa oo ku yaala Magaalada Burco Saakay ku Booqday Abwaan Cismaan C/llaahi Guure oo ah Afhayeenka Golaha Abwaanada Soomaaliyeed ahna Agaasimaha Radio Kulmiye.

Abwaan Guure ayaa Saakay Hooyga uu ka degen yahay Magaalada Burco Abwaan Maxamed Warsame Hadraawe ku booqday,waxaana uu sheegay in Xaaladda Abwaan Hadraawi ay tahay Hadda mid Wanaagsan,waxaana uu Alle uga baryay inuu Caafimaad Deg Deg ah siiyo.

Afhayeenka Golaha Abwaanada Soomaaliyeed Abwaan Cismaan C/llaahi Guure ayaa Ummadda Soomaaliyeed ugu baaqay in ay u soo duceeyaan Abwaan Maxamed Warsame Hadraawe oo Mudooyinkaan ku Xanuunsanayay Magaalada Burco.

Al-shabaab oo Hawada ka saaray Isgaarsiinta Gobolada Jubbooyinka

Wararka ka imanaya Gobolada Jubbooyinka ayaa sheegaya in Xarakada Al-shabaab ay Maanta Hawada ka saareen Shirkadaha Isgaarsiinta ee ka Howlgala Jubbooyinka,waxaana Magaalooyin ay ku jirto Kismaayo laga dareemayaa Isgaarsiinta oo Hawada ka maqan.
Madaxtooyada Maamulka Jubbaland ayaa sheegtay in Al-shabaab ay Hawada ka saareen Isgaarsiinta Gobolada Jubbooyinka,iyadoo loo maleynayo in ay la xariirto Dhaqdhaqaaqyo Ciidamada Dowladda Soomaaliya,kuwa Jubbaland iyo AMISOM ay ka wadaan Gobolada Jubbooyinka.
Warar aan la Xaqiijin ayaa sheegaya in Maanta Gobolka Jubbada Dhexe ay ka dhacday Duqeyn Diyaaradeed oo lala beegsaday Rag ka tirsan Al-shabaab.

Madaxweynaha Hirshabeelle oo Magaalada Jowhar Maanta lagu Caleemasaarayo

hirshabeelle Cali C/llaahi Cosoble ayaa Maanta lagu Caleemasaarayaa Magaalada Jowhar ee Xarunta Maamulka Hirshabelle ahna Xurun Goboleedka Shabellaha Dhexe.

Caleemasaarka Madaxweynaha Maamulka Hirshabeelle Cali C/llaahi Cosoble ayaa la filayaa in ay ka qeyb galaan Madax ka tirsan Dowladda Federaalka Soomaaliya oo uu ka mid yahay Madaxweynaha Soomaaliya Mudane Xasan Sheekh Maxamuud iyo Mas’uuliyiin ka socda Dalalka Daneeya Arrimaha Soomaaliya.

Sidoo kale waxaa Wararka qaar ay sheegayaan in Caleemasaarka Madaxweynaha Hirshabeelle iyo Kuxigeenkiisa uu ka qeyb galayo Ugaas Xasan Ugaas Khaliif oo si weyn uga soo horjeeday Dhismaha Maamulka Hirshabeelle.

Ammaanka Magaalada Jowhar ayaa Maanta si weyn loo Adkeeyay,waxaana Ciidamada Ammaanka lagu arkayaa Wadooyinka waa weyne ee Magaalada.