Gudoomiye guudlaawe oo boqolaal dadweyne salaadii ciida kula tukaday Magaalad Jowhar

Jimco Sep 25, 2015___Gudoomiyaha Maamulka gobolka shabeelaha dhexe Mudane Cali Cabdulaahi xuseen (guudlaawe) iyo Masuuliyiin kale oo maamulka katirsan ayaa saakay salaadii ciida carafo kula tukaday boqolaal dadweyne masjidka carabta ee kuyaala xaafada horseed ee magaalada jowhar.
Gudoomiyaha ayaa ugu hambalyeeyay Umada Islaamka Gaar ahaan Umada Soomaaliyeed Munaasabada Ciida Carfao, waxa uuna Gudoomiyaha ugu baaqay Shacabka Soomaaliyeed gaar ahaan kuwa ku dhaqan Shabeelaha Dhaxein ay is qabsadana kana shaqeeyaan nabada iyo Horamarka dalka.
Mudane Cali Cabdulaahi Xuseen (guudlaawe) ayaa sidoo kale munaasabada Ciida Owgeed waxa uu lacago ugu deeqay Dhismaha Duqsi Quraan laga hirgalinayay Magaalada Jowhar, waxa uu sidoo kale Gudoomiyaha lacago ugu deeqay Imaamka iyo mu’adinka Masaajidka Carabta ee Magaalada Jowhar.
 

gaaari walxaha qarxa laga soo buuxiyayay oo lagu qabtay muqdisho

Quote

ciidamada nabad sugida soomliya ayaa maanta soo bandhigay gaari walxaha qarxa laga soo buuyay oo yaalay wadad tarabuunka ee degmada hodan gaarigan oo ah gaari nuuca raaxada ah oo looyaqaano nooha  ayaa waxaa ka buuxay walxaha qarxa   afyeenka wasaarada amniga soomliya ayaa saxafada u sheegay in gaarigani ay dadka deeganka ka shakiyeen sidaaas darteed ay soo war galiyeen hay adah amaanka

Madaxa Xafiiska Qarammada Midoobay ee UNSOM oo Maanta safarkiisii ugu Horreeyay ku tagay Magaalada Hargeysa

Mr_Kay_FP Ergayga Qaramada Midoobay ee arrimaha Soomaaliya, Nicholas Kay iyo xubno la socday ayaa maanta tagay Hargeysa si uu kulammo ula yeesho madaxda Somailland oo uu ugu horreeyo Axmed Siilaanyo oo ah madaxweynaha maamulka Somaliland.

Booqashada uu ergaygu ku tagay Hargeysa ayaa noqonaysa tii ugu horreysay tan iyo markii xilkan uu la wareegay hoggaantii bishan Juun, wuxuuna xilligaas sheegay in Hargeysa ay ka mid tahay goobaha ay ka furan doonaan xafiisyada.

“Waxaan Hargeysa u imid xilli aad u horreeya oo ka mid ah wakhtiga ay shaqadaydu billaabantay si aan u muujiyo in Qaramada Midoobay ay taageerayso himilooyinka nabadda iyo barwaaqada,” ayuu Kay yiri markii uu Hargeysa ka dagay saakay oo Khamiis ah.

Wakiilku wuxuu la kulmay wasiirka arrimaha dibadda ee Somaliland, Maxamed Cabdullaahi Cumar, iyadoo lagu wado inuu caawa fiidkii kulankiisii ugu horreeyay la yeesho madaxweynaha Somaliland, Axmed Siilaanayo.

“Somaliland waa jasiirad nabdoon oo xasiloon oo ku taalla gobol aan xasiloonayn, waxaan rumaysanahay inay jiraan casharo laga baran karo halkan oo ku saabsan sidii nabadda gobolka loo dhisi lahaa. Sidaas daraadeed, waxanu halkan u nimid inaanu wax ka-baranno isla markaana taageerno hindiseyaal horseedaya nabad waaarta, xasilooni iyo barwaaqo,” ayuu hadalkiisaa ku daray.

Hawsha loo igmaday UNSOM waa inay gacan ka gaysato dhismaha awoodda wax-qabad ee Qaranka, adkaynta nabadda, iyadoo ahmiyadda la siinayo maamul-wanaagga, dibuhabeynta hay’adaha amniga, sharciga iyo kala dambeynta, xuquuqda aadamaha, dhex-dhexaadinta wada-xaajoodyada iyo isku-dubaridka kaalmooyinka caalamiga ah.

Ergayga Qaramada Midoobay wuxu yidhi: “Waanu ka warqabnaa dadaalka Somaliland ee la xiriira xoojinta hay’adaha dimuqraadiyadda iyo meel-marinta dimuqraadiyadda iyadoo Somaliland qabatay doorashooyin soo noqnoqday. Sidoo kale waxaan ka warqabnaa inay jiraan caqabado la xiriira nidaamka cadaaladda iyo hay’adaha quseeya iyo weliba xeerka dhaqanka ee la xiriira, waxanu diyaar u nahay inaanu taageero ka gaysano sii xoojinta ku dhaqanka sharciga.”

Ugu dambeyn, ergaygu wuxuu sheegay in UNSOM ay diyaar u tahay inay gacan ka gaysato wada-hadallada Somalia iyo Somaliland. “Booqashadani waxay hordhac u tahay booqashooyin badan oo aan Somaliland ku imaan doono waxaana iga go’an wada-shaqayn miro-dhal ah. Xafiiska Hargeysa wuxuu xiriir hor leh la yeelan doonaa maamulka iyo bulshada rayidka ah si loogu kuur-galo meelaha la iska kaashan karno

Wasiiradda Wasaaradda Hormarinta iyo Addeega Bulshada Dowladda Somalia oo kusoo laabatay Muqdisho

Wasiirka horumarinta iyo addeega bulshada ee xukuumadda Soomaliya, Drs. Maryan Qaasim Axmed ayaa maanta dalka dib ugu soo laabatay kaddib markii laba toddobaad socdaallo shaqo ay kusoo kala bixisay bixisay dalalka Denmark iyo Ingiriiska.

Wasiirradda iyo wafdigeeda ayaa waxaa kusoo dhaweeyay garoonka Aadan Cadde wasiirro uu horkacayay Wasiirka khayraadka dalka, C/risaaq Cumar Maxamed, agaasimayaal iyo dadweyne badan oo garoonka uga hor-tagay.

“Muddadii aan safarka ku marayay dalalka Denmark iyo Ingriiska waxaan la soo kulmay madaxda dalalkaas anigoo kala hadlay waxyaabo badan oo ay ka mid ahaayeen waxbarashada Soomaaliya,” ayay tiri wasiiradda oo intaa ku dartay: “Waxaa inoo suurogashay inaan ku guuleysanno iinay gacan naga siiyaan sidi aan waxbarasho la’aan ah ugu heli lahayn hal milyan oo arday Soomaaliyeed ah.”

Sidoo kale, wasiirraddu waxay sheegtay inay ka qayb-gashay kulan looga hadlay arrimaha tacliinta sare oo ay la qaadatay madaxdii kasoo qayb-galay kulankaas oo ahaa mid caalami ah.

Ugu dambeyn, waxay sheegtay inay balan-qaad ka heshay mas’uuliyiintii ay kulamada lasoo qaadatay; iyagoo u ballan-qaaday inay si buuxdo dowladda Soomaaliya uga tageerayaan dhinaca waxbarashada.